Mbështetja për mbjelljet e grurit, mbi 3 mijë fermerë përfitues në Shqipëri


Warning: Attempt to read property "post_excerpt" on null in /home/jpdprxqzxp/philoshea.co.uk/wp-content/themes/newsair/single.php on line 84

Agjencia për Zhvillimin Bujqësor dhe Rural bëri të ditur se 3127 fermerë janë shpallur përfitues deri tani për masën e mbështetjes për mbjelljen e grurit në Shqipëri.

Sipas AZHBR-së, në total për të përfituar nga kjo masë aplikuan me vetëdeklarim dhe zero dokumente në e-Albania 7466 fermerë dhe kërkesa për mbjellje të reja të grurit rezulton deri në 30 mijë hektarë.

Fermerët përfitojnë mbështetje financiare 30 mijë lekë për hektarë, për sipërfaqe jo më pak se 1 hektar të mbjellë me grurë. Qeveria për të nxitur prodhimin e grurit në vend si masë parandaluese ndaj tranzicionit të tregjeve ndërkombëtare për shkak të luftës Rusi-Ukrainë, akordoi fondin prej 500 milionë lekë.

AZHBR, njoftoi se në fund të procesit të vlerësimit administrativ, nga të gjithë aplikantët, janë shpallur fitues 3127 fermerë, për të cilët bëhet me dije se ka nisur dhe shpërndarja e fondeve. Fermerët marrin mbështetjen pas dorëzimit të dokumenteve të pronësisë, faturave të blerjes së farave dhe plehrave kimikë dhe verifikimit në terren për mbjelljet faktike.

Qarku me numrin më të lartë të aplikimeve dhe kualifikimeve renditet Fieri, i ndjekur nga Korça, Shkodra dhe Elbasani.

Ministria e Bujqësisë synon që sipërfaqja e kultivuar me grurë për vitin që vjen të arrijë në 70.000 ha në total, duke u rritur me 31.2 për qind.

Aktualisht në Shqipëri prodhohen mesatarisht 233 mijë ton grurë, ndërsa importohen mbi 221 mijë tonë.     /TV Arbëria

By admin

Related Post

Leave a Reply

Your email address will not be published. Required fields are marked *